سنی داها نینیرم من...

الیم چاتمر الریوه ،بو الری نینیرم من

دیلیم توتمور شعر دییم من،بس بودیلی نینیرم من

سن دریانن او باشندا منده داغن بو باشندا

قالدم داغ سو آراسندا ،بوداغلاری نینیرم من

قاراداغن جیرانسان غربتده سن تک قالبسان

جیران منه ملمسه ،او جیرانی نینیرم من

هر گون بیر تصویر قویوسان یولا باخب آغلیسان

اوزون منه انملی سن ،سلفیلری نینیرم من

داغلار باشن قار آلبدی له له کولهده قالبدی

اصلی کرمسیز قاچبدی، او اصلینی نینیرم من

گیزدین گلیب گدیسن سن،تورپاغا باش ایمی سن سن

یوردا خدمت ادمیسن سن،بو گل گدی نینیرم من

آدن گوزل گوزون قارا، سللرآپاردی بیر سارا

وقتی منه باخمسان سن ، قارا گوزی نینیرم من

قاپنی لاپ برت باغلادن دالسنا ایشیل سالدن

هامی کچیب بی من قالدم ،اوقاپنی نینیرم من

بو دونیانن عادتیدی، آیری سالماخ فطرتیدی

دونیا تامام حیله لیکدی بو دونیانی نینیرم من

یازخ مجنون نچکیبسن، اوز جاننان ال چکیبسن

گوزلده کی وفا یوخدی، بو گوزلی نینیرم من

منیم گوزل جیرانم وار، سنن قشک طرلانم وار

دورم دولوب عزتیم وار، سنی داها نینیرم من