گوزلیم سنده بشرسن...

بیرگون، گوزه لیم، قبریمین اوستن اوتوشرسن
دردیندن اولن عاشیقینی بیر دوشونرسن
ائتمز ملک اولسا بو قدر نازایله غمزه
اینصاف ائله باری گوزلیم سن کی بشرسن
نازیله گلر کن قدمین قوی گؤزوم اوسته
قویما قوری یئر اوستونه بیردن سوروشرسن
بیگانه ایله گزمه دئدیم قلبینه دگدی
جانان نه بیلیم سن بو قدر دگمه دوشرسن
بیر سالمادین اوز عاشیقینی یادینا ظالیم
اغیاریله آمما گئدیب هر گون اوپوشرسن
ال چک، دئمه، ای دل، منه زولفوندن او ماهین
بیر گون بو کمنده سن اوزونده ایلیشرسن
رحم ائیلمه دین (( واحیده )) ظالیم دیریلیکده
اولدوکده مزارئیله گئدرسن گؤروشرسن