اولدوز ساياراق

تعرفه تبلیغات در سایت

امکانات وب

گوزله ميشم هر گئجه ياری        گج گلمده دير يار،يئنه اولموش گئجه، ياری

گوزلر آسيلی،يوخ نه قارالتی،نه ده بير سس      باتميش قولاغيم،گور نه دوشورمکده دی داری

بير قوش آييغام سويليه رک،گاهدان اييلده ر       گاهدان اونودا يئل دئيه لای لای هوش آپاری

ياتميش هامی،بير آللاه اوياقدير،داها بير من        مندن آشاغی کيمسه يوخ،اوندان دا يوخاری

قوخوم بودی يار گلمه يه،بيردن ياريلا صبح           باغريم ياريلا،صبحوم آچيلما،سنی تاری!

دان اولدوزی ايسته ر چيخا،گوز يالواری چيخما     او چيخماسادا اولدوزومون يوخدی چيخاری

گلمز تانیرام بختیمی ایندی آغارار صبح                قاش بیله آغاردیقجا داها باش دا آغاری

عشقین کی قراریندا وفا اولمیا جاقمیش              بیلمم که طبیعت نیه قویموش بو قراری

سانکی خروزون سون بانی خنجردی سوخولدی    سینه مده اورک وارسا کسیب قیردی داماری

ریشخندله قیرجاندی سحر سویله دی دورما        جان قورخوسو وار عشقین اوتوزدون بو قماری

اولدوم قره گون آیریلالی او ساری تئلدن               بونجا قره گونلردی ائدن رنگيمی ساری

گوز ياشلاری هر يئردن آخارسا منی توشلار         دريايه باخار بللی دی چايلارين آخاری

از بس منی ياپراخ کيمی هيجران لا سارالديب       باخسان اوزونه سانکی قيزيل گولدی قيزاری

محراب شفقده ئوزومی سجده ده گوردوم          قان ايچره غميم يوخ،اوزوم اولسون سنه ساری

عشقی واريدی شهريارين گللی چيچکلی            افسوس،قارا يئل اسدی خزان اولدو بهاری

+ نوشته شده در  شنبه بیست و هشتم بهمن ۱۳۹۶ساعت 13:25&nbsp توسط محمود  | 

نویسنده : بازدید : 5 تاريخ : سه شنبه 1 اسفند 1396 ساعت: 15:47
برچسب‌ها :